Një tragjedi është shënuar pasditen e së dielës në autostradën Milano-Genoa, ku një shqiptar 62-vjeçar humbi jetën në një aksident rrugor. Mësohet se viktima është Edmond Haxhi, ndërsa bëhet e ditur se ai ishte punonjës në autostradë.
Ngjarja ndodhi gjatë orëve të punës, kur viktima u përplas nga një makinë e drejtuar nga një person 22-vjeçar. Edhe pse ekipet e emergjencës reaguan menjëherë, dëmtimet e shkaktuara ishin të tilla që viktima nuk mundi të shpëtonte.
Autoritetet italiane po hetojnë ngjarjen për të zbuluar të gjitha detajet dhe për të siguruar drejtësi për viktimën dhe familjen e tij. Ndërkohë, mediat italiane raportojnë se disa kolegë të shqiptarit ishin dëshmitarë të ngjarjes teksa ishin duke punuar së bashku në autostradë.