Një ngjarje e rëndë është shënuar në Porto Romano mbrëmjen e sotme. Peshkatari Aurel Ndoni ka rënë në ujë teksa peshkonte dhe nuk ka mundur të dalë.
Sipas informacioneve, Ndoni ka qenë me të vëllanë dhe një tjetër person. Polumbarët kanë nisur kërkimet për gjetjen e trupit.
NJOFTIMI
Rreth orës 17:15, kanë shkuar për të peshkuar në Porto Romano, shtetasit A. N., 40 vjeç, E. N., 34 vjeç (vëllai i 40-vjeçarit) dhe M. V., 33 vjeç. Gjatë peshkimit dyshohet se ka rrëshqitur dhe ka rënë në ujë, shtetasi A. B., i cili është tërhequr nga rryma dhe nuk ka mundur të dalë nga deti.
Shërbimet e Policisë Kufitare dhe ato të Drejtorisë Vendore të Policisë Durrës kanë shkuar menjëherë në vendin e ngjarjes dhe së bashku me polumbarët e RENEA-s do të kryejnë kërkimet për gjetjen e trupit të shtetasit A. B.
Ndërkaq, një grup i posaçëm hetimor i ngritur për rastin, po kryen hetimet për të zbardhur rrethanat.