Zëvendëskryeministri për Çështje Ekonomike, Fatmir Bytyqi, ka reaguar në një postim në Facebook për të mohuar deklaratat e profesorit Trajko Sllaveski në platformën X.
Bytyqi argumenton se inflacioni për vitet 2022 dhe 2023 nuk është 25%, siç pretendon Sllaveski, por 23.6% sipas të dhënave zyrtare të ZSHS-së (14.2% + 9.4%). Ai gjithashtu i kundërshton pretendimet e Sllaveskit për rritjen e pagave, duke theksuar se mesatarja e pagave nga dhjetori 2021 deri në dhjetor 2023 është rritur për 33.6%, duke shënuar një rritje të konsiderueshme.
“Për të qenë më i qartë për Sllaveski, kjo Qeveri e ngriti standardin e bashkëqytetarëve tanë për saktësisht 10 pikë përqindjeje, që është shumë, shumë më tepër se 0 (zero), gjegjësisht atë që partia e tij dhe vetë ai, derisa kishin mundësi, e bënë për qytetarët”, theksoi ai.
Ky postim në Facebook i Bytyqi është përfunduar me fjalët: “Veprimi i zë vendin fjalëve!”, duke nënvizuar se aksionet janë të rëndësishme më shumë se fjalët në vetvete.
