Dy shtetas shqiptarë janë plagosur të mërkurën më 21 shkurt në Clermont-Ferrand, Francë, pas një sherri mes tyre. Njëri prej tyre është plagosur nga një armë zjarri në gjoks dhe tjetri në fyt.
Sherri ndodhi në lagjen Croix-de-Neyrat të Clermont-Ferrand, rue des Clos rreth orës 17:45, të mërkurën 21 shkurt. Komisariati Clermont-Ferrand bën me dije:
"Kemi 2 automjete: një Renault Scénic në të cilën ndodheshin 2 persona dhe një Golf në të cilin ndodhej një person. Duket se ka pasur një sherr motivi i të cilit end enuk dihet. Shqiptari që mbërriti me “Golf” ka goditur me thikë në fyt shqiptarin tjetër. Një nga pasagjerët e makinës është përgjigjur duke e qëlluar me armë zjarri. Dy personat që banonin në Scenic janë larguar veçmas, pasagjeri në këmbë, shoferi me mjetin. I plagosuri nga të shtënat me armë është shpëtuar nga zjarrfikësit dhe është dërguar në spital. Për momentin nga Komisariati nuk ka të dhëna për gjendjen e tij shëndetësore.
Dy orë më vonë, në orën 19:45, në qendrën shëndetësore République është paraqitur 30-vjeçari shqiptar që u plagos me thikë në fyt.
Shqiptari është një emër i njohur për policinë.