Mesditën e sotme një kamion u përmbys në mes të rrugës, brenda një lagjeje në Tiranë.
Së fundmi JOQ Albania ka siguruar edhe pamjet e këtij momenti, ku duket që pasi ka ngjitur një malore, kamionit nuk i kanë mbajtur frenat dhe është “lëshuar mbrapsht”.
Fatmirësisht, dy kalimtare, kanë shpëtuar për mrekulli dhe gjithashtu edhe shoferët e automjeteve që kamioni kishte pas.
Në një njoftim zyrtar policia e Tiranës tha:
Më datë 22.02.2024, rreth orës 13:10, në rrugën “Ramazan Gaxherri”, shtetasi B. D., 26 vjeç, duke drejtuar mjetin tip kamion, ka humbur kontrollin mbi drejtimin e tij dhe për pasojë mjeti ka dalë nga rruga, duke dëmtuar 3 mjete të tjera të parkuara.
Shtetasi B. D., për shkak të dëmtimeve, është dërguar në spitalin e Traumës, për ndihmë mjekësore.
Grupi hetimor po punon për sqarimin e rrethanave të aksidentit.
