Gjykata e Gjirokastrës ka caktuar masën e sigurisë "arrest me burg pa afat", për 67-vjeçaren Natasha Rombula dhe djalin e saj Armando Kumaraku, pasi akuzohen për keqtrajtimin e djalit të mitur të 44-vjeçarit.
Nënë e bir, postonin në TikTok video të djalit 10-vjeçar me fjalë denigruese, ofenduese dhe banale me qëllim përfitimin nga rrjeti social. Por gjatë seancës gjyqësore, gjyshja 67-vjeçare, një emër i njohur në rrjetet sociale, ka mohuar akuzat duke thënë se nipin e ka rritur si një heroinë.
“E kam rritur vetë nipin, jam heroinë”.
Ka qenë nëna e djalit 10-vjeçar, ajo që e shqetësuar nga këto video aspak normale në rrjetin social dhe shfrytëzimin që po i bëhej atij, vendosi të bënte denoncim në polici.
