Në një operacion të gjerë kundër trafikut ndërkombëtar të drogës, autoritetet në Bolivi kanë arrestuar disa persona, ndër të cilët është edhe shtetasi shqiptar Loren Hyseni. Hyseni dyshohet se ishte kreu i një organizate të trafikut të drogës që operonte nga Bolivia në Evropë dhe Azi.
Ministri bolivian i Brendshëm, duke prezantuar detajet e operacionit, bëri të ditur se Hyseni kishte hyrë ilegalisht në vend. Autoritetet planifikojnë bashkëpunimin me Europol dhe Interpol për të zbardhur rrjetin e trafikut të drogës.
Operacioni u zhvillua me synimin e arrestimit të autorit të dyshuar për vrasjen e dy personave në San Ignacio de Velasco gjatë ditëve të karnavaleve.
