Edhe pse janë vetëm 5 minuta larg qendrës së Shkodrës, banorët e lagjes "3 Heronjtë" jetojnë në mjerim të thellë dhe këtë e tregojnë më së miri denoncimet e qytetarëve.
Një prej tyre i është drejtuar redaksisë tonë për të denoncuar mjerimin në të cilin jetojnë, pasi ankesat e tyre në shtet kanë shkuar në vesh të shurdhër. Ai thotë se në këtë lagje mungojnë edhe shërbimet bazë që shteti duhet të garantojë për jetesën e qytetarëve.
Ai ka treguar me pamje se në këtë lagje mungon infrastruktura, ndriçimi dhe kanalizimet e ujërave të zeza. Ai thotë se në një rast fatkeqësie apo zjarri, në lagjen e tyre nuk mund të kalojë as zjarrfikësja pasi mungon rruga.
Duke u ndalur te kanalizimet e ujërave të zeza, ai thotë se ato derdhen në gropa të hapura duke përbërë rrezik për jetën e banorëve.
Qytetari kërkon që pas këtij denoncimi të merren masa serioze për sigurimin e kushteve minimale për të jetuar si qytetarë normalë të vitit 2024.
Denoncimi i qytetarit:
Prsh JOQ do doja te ndaja me ju nje shqetsim si qytetar i Shkodres lagjia 3 heronjt rruga qafa e thores sepse cdo ankes e jona me vite ka shku ne vesh te shurllet Jemi vetem 5 min nga qendra qytetit edhe shikoje gjendjen e mjerushme te rruges qe kemi Nuk ka ndriqim nuk ka kanalizime ktu banoret shkarkojn edhe ujrat e zez dmth cdo gja ne kushte te mjerushme sikur nje zjarrfikse tjet e nevojshme nuk ka rrug ku tkaloje Ju lutem beje publike Ndoshta si qyetar i thjesht qe jam ndoshta nuk kam dit me shpreh fjalt e duhura por pamja tregon vet Shiko si shkarkohen gropat e banjos tmerr dmth Mbeturina gjithandej as kosha nuk kemi imagjino gjendjen Mfal qe ti kam dergu keshtu por kam besim se do e postoni ashtu sic duhet shpresojm qe ket her te merret seriozisht
