Punonjësit e shërbimeve administrative të MPB-së që punonin për procesin e ndryshimit të dokumenteve personale të qytetarëve do të marrin nesër një tjetër pagë.
Ky vendim ka kaluar në seancën e sotme të qeverisë, ka bërë të ditur MPB.
Zëvendësministri plotësues i Punëve të Brendshme në Qeverinë Teknike, Mitko Bojmacaliev, në konferencën e sotme për shtyp në Qeveri, ka falënderuar punonjësit e Ministrisë së Punëve të Brendshme, të cilët në periudhën e kaluar kanë qenë të angazhuar në shërbimet administrative për të punuar në ndryshimi i dokumenteve personale të qytetarëve.
“Me këtë rast dua të falënderoj të gjithë kolegët e mi që kanë punuar në shërbimet administrative gjatë periudhës së kaluar, të cilët punojnë me turne, në fundjavë dhe në ditë festash, të cilët dhanë kontributin e tyre personal në ndryshimin e dokumenteve të udhëtimit, dokumenteve personale dhe të gjitha dokumentet tjera që u nevojiteshin qytetarëve për t’i ndryshuar ato nga Republika e Maqedonisë në emrin e ri Republika e Maqedonisë së Veriut.
Njëkohësisht i njoftoj se nesër do të marrin një pagë në llogaritë e tyre në shumën e pagës së fundit që kanë marrë nga MPB-ja, akt të cilin e kemi nënshkruar edhe unë dhe ministri”, tha Bojmacaliev.
