Një ngjarje e rëndë është regjistruar ditën e sotme në burgun e Sabbiones në Itali. Mediat italiane raportojnë se një i burgosur shqiptar, 46 vjeç i ka dhënë fund jetës në qelinë e burgut.
46-vjeçari ishte i dënuar për tentativë grabitje dhe për dhunë në familje. Pavarësisht ndihmës së punonjësve të shëndetësisë dhe policisë së burgjeve, ai nuk ia doli.
“Jemi të tronditur dhe të thyer. Një i burgosur humb jetën në burg është një disfatë për shtetin dhe për të gjithë ne që punojmë në vijën e parë”, tha Donato Capece, sekretar i përgjithshëm i sindikatës autonome të policisë penitenciare.
