Një "burim masiv" me hidrogjen natyral pothuajse të pastër është gjetur në fund të një miniere nëntokësore kromi në Shqipëri, duke ngjallur shpresat se hidrogjeni natyral mund të shfrytëzohet komercialisht me kosto të ulët në mbarë botën.
Prej kohësh dihej se hidrogjeni kishte rrjedhur në minierën e Bulqizës, një nga burimet më të mëdha në botë të kromit. Por sasia dhe pastërtia e hidrogjenit të gjetur në minierë nuk ishte matur kurrë deri më tani. Studiuesit gjetën një pellg të vogël me ujë të nxehtë pothuajse 1 km nën tokë, në të cilin gazi i pasur me H2 fluskonte vazhdimisht dhe mund të kapej e matej lehtësisht.
Ata zbuluan se pellgu pomponte 11 ton hidrogjen 84% të pastër në vit, por bazuar në mostrat e ajrit në boshte dhe shpella të tjera, ata llogaritën se miniera në tërësi po çlironte rreth 200 ton H 2 në vit, dhe kështu kishte ndodhur për të paktën gjashtë vitet e fundit. Kjo ishte 1000 herë më shumë se hidrogjeni që lëshohet në vende gjeologjikisht të ngjashme ku pjesë të pllakave tektonike oqeanike të pasura me hekur (të njohura edhe si manteli i sipërm) janë futur në majë të pllakave kontinentale për të lënë pas një seksion të njohur si “ofiolitë”.
Zbulimi ka rritur në shpresat se hidrogjeni natyral i njohur gjithashtu si H 2 i bardhë ose ari mund të jetë më i zakonshëm sesa pritej më parë. Michael Webber, studiuesi i sistemeve energjetike të Universitetit të Teksasit, tha për revistën Science:
"Nëse e kërkoni, do ta gjeni. Kjo mund të prishë vërtet gjeopolitikën, dhe në shumë mënyra të mira, sepse hidrogjeni do të jetë aty ku nuk janë nafta dhe gazi. Ky zbulim hedh themelet për modele të reja për eksplorimin e hidrogjenit natyror.
Hidrogjeni i zbuluar në Bulqizë thuhet se ka rrjedhën më të lartë të çdo burimi natyror hidrogjeni të matur në botë deri më sot
