Dy vëllezër nga Durrësi janë arrestuar pasi kanë tentuar të shtypin me makinë, pronarin e makinës me të cilën po lëviznin.
Vëllezërit me iniciale D. C., 27 vjeç dhe E. C., 20 vjeç, që kishin marrë përsipër lyerjen e mjetit tip “Benz” të shtetasit E.A, jo vetëm që nuk e kishin lyer, por edhe lëviznin me të nëpër qytet.
Kur pronari e ka konstatuar këtë ka dalë para automjetit, që ta ndalonte, por vëllezërit kanë tentuar ta shtypin, duke e marrë në kofanon e automjetit, deri në afërsi të universitetit në Shkozet.
Më pas ata kanë përplasur automjetin me trafikndarësen, e kanë braktisur atë dhe janë larguar. Shtetasi E. A. nuk ka pësuar dëmtime fizike dhe ka njoftuar menjëherë Policinë, për ngjarjen e ndodhur.
