Një grua në Arizona dyshohet se i dërgoi një burri që takoi në një faqe takimesh më shumë se 159,000 mesazhe me tekst gjatë një periudhe 10-mujore pas vetëm një takimi. Jacqueline Claire Ades, e cila u akuzua për ndjekjen e burrit duke thyer shtëpinë e tij, u arrestua nga policia e Paradise Valley.
Autoritete pretenduan se ajo kishte dërguar 65,000 mesazhe pas takimit të ëtyre të vetëm, por dokumentet e policisë të bëra publike të premten tregojnë se Ades,, dyshohet se dërgoi shumë më tepër mesazhe. Ajo i dërgoi atij mesazhe kërcënuese, duke përfshirë një ku shkruhej: "Unë do të bëja sushi nga veshkat dhe shkopinj nga kockat e duarve ". Një tjetër sms ishte: 'Oh, çfarë do të bëja me gjakun tënd! Unë dua të lahem në të.
Ades dhe burri, i cili është identifikuar vetëm si CEO i një kompanie që shet produkte për kujdesin e lëkurës dhe spa, u takuan në një faqe takimesh. Edhe pse burri i tha Ades se nuk donte ta shihte më, ajo dyshohet se filloi t'i dërgonte mesazhe pandërprerë – ndonjëherë deri në 500 herë në ditë. Në korrik 2017, ajo parkoi jashtë shtëpisë së tij. Në prill 2018, burri, i cili ishte jashtë vendit – thirri policinë dhe tha se video e vëzhgimit tregoi se Ades ishte brenda shtëpisë së tij.
Oficerët gjetën Ades duke bërë banjë në shtëpinë e tij. Kur oficerët e pyetën pse ishte atje, ajo filloi t'u referohej ekuacioneve shkencore. “Unë mendoj se kam krijuar një skenar të tërë në kokën time ku jetoj këtu, kështu që erdha këtu dhe bëra sikur kjo ishte ajo që po ndodhte”, u tha ajo atyre. Gruaja është identifikuar me sëmundje mendore nga oficerët.
