Për të zhvatur sa më shumë para nga xhepat e shqiptarëve, pak kohë më parë DPSHTRR “nxorri në treg” targat e reja të personalizuara me shkronja e numra, por edhe të zvogëluara në përmasa sipas dëshirës sê qytetarëve.
Por kur ka kaluar kohë që nga ky vendim dhe shumë shqiptarë u tunduan për të personalizuar targat dhe shpenzuar mijëra euro, Bashkia Tiranë ka vendosur t’i nxjerrë ato jashtë loje.
Një qytetar i është drejtuar redaksisë tonë për të denoncuar problemin me të cilin po përballet pasi ka paguar 2000 euro për targa të personalizuara.
Ai thotë se sistemi me pagesë i parkimit në kryeqytet nuk njeh ende targat me 5 apo 6 karaktere.
Për shkak të këtij problemi ai thotë se është gjobitur disa herë, dhe kur ka pyetur një polic të rrugores, ai i ka vendosur “30-shen” te xhami dhe i ka thënë se “ju keni lekë”.
Qytetari kërkon një zgjidhje të menjëhershme për këtë problem pasi çdo ditë po zhvaten nga Policia Rrugore dhe ajo bashkiake.
Denoncimi i qytetarit:
Pershndetje . Na ka zene halli dhe sna japin zgjidhje . Mir qe kemi harxhu nga 2000€ targa te personalizuara po ka nje vit dhe akoma nuk ka sistem parkimi per kto lloj targash . Ndalova ne rruge dhe pyes nje polic te rrugores per kte ceshtje dhe zgjidhja qe me dha esht 30-shja te xhami se keni lek ju . Asnje targ te personalizuar me 5 ose 6 karaktere nuk e njeh sistemi . Faleminderit
