Sokol Sinomataj, babai i të riut që u ekzekutua në ballkonin e shtëpisë, ka dalë nga burgu për të marrë pjesë në ceremoninë mortore të tij.
Sinomataj i njohur me nofkën "buzëderri" është shoqëruar nga forca të shumta policie në varrimin e djalit 22-vjeçar, Gëzimit i cili u ekzekutua me snajper në ballkonin e shtëpisë.
Sokol Sinomataj ka qenë anëtar i bandës famëkeqe të Gaxhait dhe ka dyshime se aktiviteti i tij kriminal është bërë shkak për ekzekutimin e djalit të tij. 22-vjeçari po pinte cigare në ballkonin e shtëpisë së tij në katin e tretë të një pallati në “Hajro Çakërri” kur u qëllua me një plumb në kokë.
Deri më tani, hetuesit nuk kanë mundur të gjejnë asnjë gjurmë të autorit, i cili dyshohet të jetë vrasës profesionist me pagesë.
Gëzim Sinomataj jetonte në Belgjikë, por ishte kthyer në Vlorë për të kaluar festat e fundvitit me nënën e tij.
