Gëzim Sinomataj, personi që shihni në foto është i riu që u ekzekutua mbrëmjen e së hënës në Vlorë.
22-vjeçari kishte dalë për të pirë cigare në ballkonin e shtëpisë së tij në lagjen "Hajro Çakërri" kur u ekzekutua me një plumb në kokë.
Ka dyshime se autori që e ka qëlluar me snajper ka qenë fshehur në një pallat në ndërtim e sipër, përballë shtëpisë së 22-vjeçarit. Menjëherë pas atentatit autori është larguar dhe në lagjen "24 Maji" është gjetur një makinë tip 'BMW' e djegur që dyshohet se u përkiste autorëve.
22-vjeçari është djali i Sokol Sinomatajt, i akuzuar për një sërë ngjarjesh kriminale dhe pjesëmarrës në bandën e armatosur të Gaxhait. I riu që jetonte në Belgjikë, kishte ardhur në Vlorë për të kaluar festat e fundvitit me mamanë e tij. Në Belgjikë, Gëzimi jetonte bashkë me babain dhe vëllain Bernardin, të cilit dy vite më parë më 3 janar, i vendosën tritol në automjetin e parkuar në lagjen “Hajro Çakërri” në të njëjtin vend ku ndodhi ekzekutimi i tij.
Ka dyshime se vrasja e të riut ka ndodhur motive hakmarrje, por nuk përjashtohet edhe mundësia e implikimit në trafikun e drogës.