Xhemal Loka, bashkëshorti i 41-vjeçares Bedrie Loka, që i dha fund jetës duke pirë fotoksinë, akuzohet se ka shtyrë gruan drejt këtij akti të rëndë.
Këto akuza përforcohen edhe më tepër nga fëmijët e 41-vjeçares që thonë se babai ushtronte dhunë të vazhdueshme psikologjike dhe fizike ndaj nënës së tyre. Por jo vetëm kaq pasi menjëherë pas ngjarjes së rëndë ai ka tentuar të largohet nga Shqipëria me 2800 Euro dhe 27000 Lekë.
Në banesën e tij, në kotecin e pulave është gjetur e mbështjellë me peshqir një armë zjarri automatik “PPS”, me krehër pa fishek, pjesët e lëvizshme të rregullta e me gjilpërë të rregullt, me numër arme “89-0579”. Po ashtu në të njëjtin vend janë gjetur 114 copë fishekë, model ’54, kalibër 7.62mm dhe 4 katër fishekë model ’56, kalibër 7.62mm”, të cilat do t’i nënshtrohen ekzaminimeve balistike.
Loka ka mohuar akuzat e fëmijëve duke thënë se sherret mes tyre ishin normale, si çdo çift tjetër dhe se vetëvrasja ka ardhur për shkak të TikTok-ut.