Një 55-vjeçar shqiptar është gjetur i varur në një pemë në fshatin Vetriolo, Bagnoregio, Itali.
Pasditen e 2 Janarit, pronari i tij ka dhënë alarmin për zhdukjen e shqiptarit pasi ai nuk ishte paraqitur në punë si zakonisht. Autoritetet italiane të kërkimit të njerëzve të humbur në bashkëpunim me zjarrfikëset dhe policinë u vunë në kërkim të shqiptarit.
Por rreth orëve të vona të darkës, gjetën 55-vjeçarin e varur në një pemë në fshatin Vetriolo ku kishte shkuar për biznes. Ekipet e shpëtimit nuk mund të mos konfirmonin vdekjen e tij. Pas hetimeve, trupi i pajetë i burrit me origjinë shqiptare iu kthye familjes.
