Mosha 38 vjeç e Cristiano Ronaldos nuk është arsye që ne të mendojmë që golat e tij janë drejt “perëndimit”. Këtë vit, ikona e futbollit botëror ka vendosor rekordin e 54 golave.
Mbrëmjen e sotme, portugezi realizoi golin e radhës në Arabinë Saudite. Për raundin e 19-të në kampionat, Al Nassri i tij përmbysi 1-4 Al Taauon në udhëtim.
Theksojmë se të parët në avantazh kaluan vendasit, teksa Brozovic, Laporte, Otavio dhe Ronaldo përmbysën për miqtë. Ylli portugez nuk mund të gabonte në minutën e 90+2 kur pas një krosimi të Fofana kërceu mbi mbrojtjen dhe shënoi golin numër 54 këtë vit kalendarik.
