Kozak Braçi, një personazh kontravers i rrjetit social TikTok denoncoi djegien e mjetit të tij tip GLE poshtë shtëpisë së tij në lagjen Allias të Tiranës më datë 2 Dhjetor.
Dorian Limushaj 40 vjeç dhe Markelino Laho 18 vjeç të dy me banim në Vlorë, janë vënë në pranga nga policia si autorë të ngjarjes.
Sektori i krimeve në komisariatin nr.4 në Tiranë ka zbardhur ngjarjen dhe ka shpallur në kërkim si porositës të djegies së mjetit reperin Kleviol Ahmetaj i njohur ndryshe me pseudonimin Cllevio Serbiano.
Ky i fundit dyshohet se i ka paguar të dy autorët 1500€ eurosh për të djegur makinën e Braçit. Ky u bë tejet i njohur në rrjet pasi u mor peng nga Fabio Dushku në një video live në rrjetet sociale.
Cllevio është shfaqur pak ditë më parë i shtrirë në një shtrat spitali në Dubai nga ku deklaronte se do të kryente një ndërhyrje të vështirë në zemër.
