Shkencëtarët kanë sugjeruar se mund të mos ekzistojë asnjë alternativë e sigurt e pirjes së duhanit. Ata thonë se pajisjet e njohura të duhanit me ngrohje mund të shkaktojnë të njëjtin dëm në qelizat e mushkërive si cigaret tradicionale. Ndërkohë, cigaret elektronike ose "vape" siç njihet zakonisht janë gjithashtu toksike për qelizat që mbrojnë mushkëritë, kështu që mund të mos jenë as një alternativë e sigurt.
Të dy pajisjet elektronike, të përdorura nga mijëra njerëz për të lënë duhanin, tani mendohet se shkaktojnë dëmtimin e rrugëve të frymëmarrjes tek njerëzit me emfizemë, bronkit dhe kancer të mushkërive.
Studiuesit australianë zbuluan se grimcat që dalin nga pajisjet me ngrohje si IQOS dëmtojnë qelizat e mushkërive që mbrojnë rrugët e frymëmarrjes, në mënyrë të ngjashme me tymin e cigares. Studimi shqyrtoi IQOS-in, një pajisje duhani me ngrohje , e përdorur nga 6.6 milionë njerëz dhe e shitur në mbarë botën. Ky produkt që është kthyer në trend edhe në Shqipëri, ngroh në vend që të djegë duhanin për të prodhuar një shije të ngjashme me cigaret, por me nivele më të ulëta të kimikateve. Megjithatë, në studim, u zbulua se IQOS dëmton qelizat e mushkërive të njeriut duke ndryshuar strukturën e tyre dhe duke shkaktuar një përgjigje inflamatore.
Studiuesit thonë:
"Rezultatet tona sugjerojnë se cigaret, cigaret elektronike dhe IQOS janë toksike për qelizat e mushkërive tona dhe se këto pajisje të reja të duhanit me ngrohje janë po aq të dëmshme sa pirja e cigareve tradicionale. Dëmtimi i këtyre dy llojeve të qelizave të mushkërive mund të shkatërrojë indin e mushkërive duke çuar në sëmundje fatale si sëmundja pulmonare obstruktive kronike, kanceri i mushkërive dhe pneumonia, dhe mund të rrisë rrezikun e zhvillimit të astmës, duke përfshirë edhe fëmijët e palindur. Pra, ne nuk duhet të supozojmë se këto pajisje janë një opsion më i sigurt."
Cigaret, cigaret elektronike dhe pajisjet e duhanit me ngrohje të gjitha përmbajnë nikotinë substanca që i bën të varur njerëzit. Por cigaret elektronike përmbajnë një formë të lëngshme nikotine që nxehet në avull për t'u thithur, duke shmangur dëmin e shkaktuar nga tymi i duhanit. Produktet e duhanit me ngrohje si IQOS tregtohen si më të sigurta se cigaret sepse duhani nuk digjet, gjë që prodhon tym që përmban shumë kimikate të dëmshme. Në vend të kësaj, ajo nxehet, duke prodhuar më pak kimikate dhe pa zjarr, hi ose tym.
Studiuesit bënë teste laboratorike mbi efektet e të tre pajisjeve në qelizat epiteliale dhe qelizat e muskujve të lëmuar të marra nga rrugët e frymëmarrjes njerëzore.
Në mushkëri të shëndetshme, qelizat epiteliale veprojnë si linja e parë e mbrojtjes ndaj çdo grimce të huaj që hyn në rrugët e frymëmarrjes, ndërsa qelizat e muskujve të lëmuar ruajnë strukturën e saj. Kur ato dëmtohen, ato shkaktojnë dhëmbëza dhe riformësim të rrugëve të frymëmarrjes që shihen te pacientët me mushkëri. Studimi zbuloi se pajisjet elektronike e shkaktuan këtë dëm, duke përfshirë ndryshimet në strukturën dhe funksionin e qelizave, si dhe një përgjigje inflamatore të 'thithjes për ndihmë'. Ajo përgjigje inflamatore ishte po aq e fortë për pajisjen e ndezur të duhanit IQOS sa kur qelizat e mushkërive u ekspozuan ndaj tymit nga cigaret Marlboro Red.
