Versioni “bombë” për krimin në Fier, “Vetëm vetëvrasje që s’është”

Një tjetër version "bombë" ka mbërritur në redaksinë e JOQ për krimin e djeshëm, ku sipas policisë thuhet se Drini Derveni vrau Ermira Arapin brenda në makinë dhe më pas veten.

Në njoftimin e policisë shkruhet se sipas dyshimeve të para, autori i krimit në "Shën Pjetër" të Fierit është vetë Drini Derveni, 32 vjeç. Por ky është vetëm një version derisa të përfundojë ekspertiza.

Një ndjekës i JOQ ka nisur në redaksinë tonë një version tjetër, ku ai pretendon se e njihte Dervenin dhe se nuk kishte arsye për të vrarë veten.

Raportuesi hedh dyshime të forta se Derveni dhe Arapi janë vrarë brenda në makinë nga një tjetër person, i cili mund të ketë pasur konflikt me 32-vjeçarin për pazare droge.

"Vetëm vetëvrasje që s'është", përfundon raportuesi mesazhin e tij. Më poshtë versioni i tij i plotë:

Përshëndetje JOQ, për vetëvrasjen e djeshme askush s'e di të vërtetën. Deklarata e policisë ishte amatore, me shumë mundësi ajo ka qenë vrasje. Ai djali, i ndjeri, është nipi i një eksponenti shumë të fortë në tregun e drogës kështu që s'i plaste shumë trapi për të vrarë atë dhe veten pastaj, prandaj kur lexoj këto komentet nëpër linqe më vjen për të qeshur. Nuk bëhet fjalë për armiq konkretë, por nqs do merresh me atë lloj pune, normale që do kesh armiq. Punët s'po i ecnin mirë. Mund të ketë edhe prapavijë hakmarrjesh nga dajua i tij. Çdo gjë është e mundur, por vetëm vetëvrasje që s'është.