Mesditën e sotme një pallat te rruga e Kavajës në Tiranë u përfshi nga një zjarr masiv.
Raportohet se është shoqëruar në polici administratori i pallatit shumëkatësh, i cili do të merret në pyetje lidhur me ngjarjen. Pallati është ndërtuar në vitin 2021 nga firma ‘Mëhillaj sh.p.k.’ me pronar Tanush Mëhillaj.
Ndërkohë, zjarri në pallatin shumëkatësh zgjati për më shumë se 3 orë deri në fikjen e plotë të flakëve.
Theksojmë se ende nuk janë bërë zyrtarisht të ditura shkaqet e rënies së zjarrit, teksa fatmirësisht nuk pati humbje jete.
