Një 44-vjeçar shqiptar është arrestuar në Itali pasi akuzohet për aksidentin ku humbi jetën më 7 shtator Aldo Gjoka, 29-vjeçari me origjinë shqiptare.
Në prangat e policisë italiane ka rënë Rezeart Turku, 44 vjeç, me origjinë shqiptare, por banues në Otranto.
44-vjeçari është drejtuesi i mjetit Jaguar mjeti me të cilin u përplas motori që drejtohej nga i riu shqiptar.
Autoritetet italiane kanë lënë në arrest shtëpie 44-vjeçarin i cili akuzohet për vrasje nga pakujdesia. Rezultatet e toksikologjisë dhe analizave të alkoolit për shqiptarin Turku do hedhin dritë në zbardhjen e aksidentit tragjik.
Mëngjesin e djeshëm i është dhënë lamtumira e fundit Aldo Gjokës, me varrimin e bërë në Katedralen e Leçes.
