Dollari amerikan nuk është në ditët e tij më të mira, për shkak të sfidave nga vendet në zhvillim që po kërcënojnë statusin e tij si monedhë rezervë globale.
Së fundmi një pjesë e vogël e aleancave në Azi, Afrikë dhe Amerikën e Jugut po kërkojnë t’i japin fund varësisë nga SHBA.
Grupet BRICS dhe ASEAN po “luftojnë” fortë kundër statusit të dollarit amerikan. Arsyeja kryesore pse vendet në zhvillim kanë këtë qasje ndaj dollarit lidhet me frikën se kjo mund të dëmtojë ekonomitë e tyre. Kjo në një situatë ku qëllimi është që të forcojnë monedhat dhe ekonomitë e tyre lokale.
Bëhet e ditur se dy aleanca të ndryshme kanë rënë dakord zyrtarisht të heqin dorë nga dollari amerikan për tregtinë globale në vitin 2023.
BRICS do të përdorë monedhat vendase për tregti dhe po kërkon gjithashtu të krijojë një monedhë të përbashkët midis vendeve anëtare. Tregtia do të zgjidhet brenda bllokut ekzistues të 10 vendeve dhe jo me kombe të tjera jashtë aleancës.
Grupi ASEAN përbëhet nga 10 vende dhe aleanca BRICS tani është një grup prej 11 anëtarësh. Si përfundim, gjithsej 21 vende kanë rënë dakord zyrtarisht të heqin dorë nga dollari amerikan për tregtinë globale në vitin 2023.
