Në qendër të Tiranës, në sheshin Skënderbej ngado të kthesh kokën sheh vetëm kulla shumëkatëshe.
Por për kryebashkiakun Erion Veliaj, që ka dhënë lejet për ndërtimin e këtyre kullave, ato nuk ekzistojnë në reklamat e rrjeteve sociale.
Pak orë më parë, Veliaj ka publikuar në rrjetet e tij sociale një video të shkurtër të qendrës së Tiranës.
Por ajo që bie në sy menjëherë është pamja e xhamisë së Et’hem Beut.
Në këtë video, Veliaj ka shfaqur vetëm një pamje ‘gjysmake’ të xhamisë për të mos treguar kullat e larta që janë ndërtuar dhe vazhdojnë të ndërtohen në qendër të kryeqytetit.
Edhe pse Veliaj përpiqet t’i fshehë këto kulla për ndjekësit e tij të rrjeteve sociale, të gjithë jemi të vetëdijshëm se realiteti është krejt ndryshe dhe çdo cep i qendrës së Tiranës është mbushur plot me kulla.
