Pastrime Silvio rezulton të jetë një ndër “peshkaqenët” e tenderave të pastrimit. Shifrat që kjo kompani ka përfituar nga institucionet publike në Shqipëri, kryesisht nga Bashkia Tiranë, kapin vlera të frikshme.
Me sa duket ka ardhur koha që Fiqiri Allmuça të mbushë përsëri xhepat e tij me një tjetër tender të dyshimtë. Bëhet fjalë për procedurën me numër reference REF-63129-03-21-2023 dhe me objekt “Shërbim pastrimi i ambienteve të jashtme, për Qendrën Spitalore Universitare “Nënë Tereza”.
Tenderi është organizuar nga Agjencia Shtetërore e Prokurimeve të Përqëndruara dhe ka si fond limit shifrën prej 38,009,074 lekë të reja pa TVSH ose rreth 450 milionë lekë të vjetra me TVSH. Por le t’i hedhim një sy dokumentacionit të tenderit.
Vihet re se në të kanë marrë tetë kompani nga të cilat njëra prej tyre ka ofruar vlerë zero. Që këtu lind dyshimi i parë se kemi të bëjmë me një tender me fitues të paracaktuar pasi nuk ka asnjë kuptim që dikush të marrë pjesë në një garë pa dhënë ofertë.
Nga ana tjetër rezulton se të paktën dy kompani kanë ofruar vlera më të ulëta sesa PASTRIME SILVIO megjithatë për habi nuk janë marrë në konsideratë, a thua se shteti shqiptar i ka paratë me thasë dhe e ka luksin të mos interesohet për ofertat me vlerë më të vogël.
Gjithsesi fituese është shpallur kompania e Allmuçës e cila ka ofruar vlerën prej 31,382,258 lekë të reja pa TVSH ose gati 380 milionë lekë të vjetra me TVSH. Nga ana tjetër nëse e krahasojmë këtë vlerë më fondin limit rezulton se është sa 83% e tij. Të gjitha këto na bëjnë të dyshojmë se fituesi i kësaj procedure ka qenë i paracaktuar që në fillim.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Çunat e Londrës
Të parët në listë për muajin korrik janë "Çunat e Londrës" në Has, që erdhën nga emigrimi dhe duke parë se pushteti vendor kishte harruar qytetin, ata vendosën vetë që të shtrojnë rrugën me asfalt. Me kontributet e tyre ata asfaltuan disa km rrugë në shërbim të komunitetit.
Pushuesi në Velipojë
I dyti është pushuesi në Velipojë, i cili pa që shumë plehra kishin pushtuar bregdetin. Kështu që ai mori një qese të zezë dhe filloi pastrimin. Edhe pse i vetëm, ai e ndërmorri këtë hap duke u bërë kështu shembull për të tjerët.
Taksisti fisnik
I treti është Zoti Metush, taksisti fisnik nga Tirana, i cili gjeti një portofol në makinën e tij dhe kërkoi t’ia dorëzonte të zotit. Ai shkroi në redaksinë e JOQ ALBANIA dhe situata mori zgjidhje.
Zjarrfikësi i Tiranës
I katërti është zjarrfikësi i Tiranës, i cili pas zjarrit që ra në “Astir” vetëm me një palë shkallë, ai shpëtoi të moshuarin që kishte mbetur në katin e tretë. Edhe pse merr një pagë qesharake, ai bëri maksimumin për të zbritur të moshuarin, që po asfiksohej nga tymi.
I riu që ndihmoi qenin
I pesti është i riu që i jepte ujë një qeni endacak, në Tiranë, pasi termometri shënonte mbi 45 gradë celcius. Në muajin Korrik, në Shqipëri temperaturat qenë ekstremisht të larta dhe ky i ri mendoi edhe për këto kafshë që nuk kishin askënd pranë.
Qytetari që gjeti portofolin
I gjashti është qytetari, që gjeti një portofol dhe brenda tij kishte 1000 euro. Ai nuk u mendua dy herë dhe shkroi në redaksinë e JOQ ALBANIA për t’ia dorëzuar të zotit.
Zjarrfikësi nga Saranda
I shtati është zjarrfikësi nga Saranda, i cili falë vullnetit dhe pasionit për punën iu gjet pranë një nën bashkë me vajzën e mitur pasi këto kishin mbetur në ashensor. Ajo kishte telefonuar të gjithë përgjegjësit e mundshëm që merren me bllokimin e ashensorëve, por vetëm ky zjarrfikës bashkë me një koleg kishte shkuar. Gjithashtu, ai pati përplasje me drejtues të OSHEE, pasi kishin ndërprerë dritat dhe nuk i shqetësonte aspak fakti që brenda në ashensor ishte një vajzë e mitur bashkë me të ëmën. Kështu që ai shqeu derën e ashensorit, që nënë e bijë të mbusheshin me ajër.
Haram i Muajit
KLIKO PËR TË VOTUAR
Mirela Kumbaro
E para në listë është ministrja e Turizmit, Mirela Kumbaro. E preferuara e Ramës ka dështuar totalisht në menaxhimin e Turizmit në vend dhe më shumë e kemi fjalën tek rojet bregdetare. Për shkak të mungesës së rojeve bregdetare, shumë persona janë mbytur në plazhe. Kujtojmë këtu rastin e dhimbshëm, ku babai me dy djemtë e mitur u mbyt në plazhin e Vilbashtovës. Gjithashtu dhjetra qytetarë kanë denoncuar se kanë shkuar në plazhe ku nuk ka asnjë roje bregdetare.
Pronari i ujit
I dyti në listë është pronari i ujit në Gjinar. E kemi fjalën për atë zotërinë me makinën Benz, i cili kërcënonte banorët e zonës që të mos mbushin ujë, atje ku mbushnin të gjithë, pasi sipas tij e ka ai. Mirëpo uji është i të gjithëve. Gjithastu ai përdori edhe fjalë fyese ndaj banorëve.
Babai ‘i çmendur’
I treti është babai ‘i çmendur’, i cili zhyste pa pushim fëmijën në një pishinë të Tiranës, edhe pse i vogli qante me të madhe dhe sipas dëshmitarëve, po nxirrte edhe shkumë nga goja. Në lidhje me këtë rast nuk ka reaguar policia, por personat e pranishëm në vendngjarje, por jo vetëm, janë shokuar.
Alfred Peza
Alfred Peza, drejtori aktual i RTSH-së, i cili është kthyer në një Kapterr, pasi po shkarkon nga puna shumë persona në RTSH dhe ka emëruar miqtë e tij. JOQ Albania ka publikuar disa raste të punonjësve që janë shkarkuar pa asnjë arsye dhe janë emëruar persona të afërt të Pezës.
Frida Krifca
Frida Krifca, ministrja e Bujqësisë, që ende nuk dihet se ku ka çuar fondet e Bashkimit Europian. Ajo është në këtë listë, pasi është përgjegjësja kryesore, që Bashkimi Europian ndërpreu fondet për fermerët. Sipas Komisionit Europian, korrupsioni është arsyeja e ndërprerjes së fondeve.
Turistja hajdute
E gjashta në listë është turistja hajdute, e cila vodhi telefonin e një punonjësi karburanti. Pasi makina që ajo udhëtonte ndaloi në karburant, ajo doli me shpejtësi nga makina dhe vodhi telefonin, pa e parë punonjësi i karburantit.
Arian Mema
I shtati në listë është ish-inspektori i tatimeve në Pogradec, Arian Mema, i cili ngacmoi seksualisht një 25-vjeçare. Kjo e fundit, nga ngacmimi i 55-vjeçarit, humbi ndjenjat dhe përfundoi në spital.
