Ka humbur jetën në Itali Alfons Kola, 33-vjeç nga Shqipëria. Ky i fundit ka vdekur pasi u vra me thikë mbrëmë jashtë një lokali në Calcinato. Ngjarja ndodhi afër Breshias dhe pas plagosjes shqiptari u nis për spital, por nuk u mbijetoi dot plagëve të marra, ndonëse iu nënshtrua një operacioni delikat.
Lidhur me ngjarjen policia ka arrestuar autorin e vrasjes së Kolës. I prangosur është Petrit Gega, 52 vjeç, bashkatdhetar i viktimës, që dyshohet se është vrasësi i 33-vjeçarit. Pas ngjarjes Gega u arratis, por u arrestua disa orë më vonë nga policia italiane.
