Një aksident tragjik u regjistrua pasditen e djeshme në aksin Korçë-Kapshticë.
Si pasojë e përplasjes së dy automjeteve tip “Benz” dhe “Ford”, humbi jetën shtetasja Miranda Malolli rreth 50-vjeçe ndërsa u plagosën 7 persona.
Por sikur të mos mjaftonte kjo ngjarje e rëndë, një tjetër ka ndodhur në familjen e Malollit.
Mësohet se vjehrra e 50-vjeçares ka ndërruar jetë pasi ka mësuar se nusja ka ndërruar jetë në aksident. Ajo ka pësuar infarka pasi ka marrë vesh lajmin dhe ka ndërruar jetë.
Ka dyshime se shkak për aksidentin e djeshëm është bërë shpejtësia e madhe e njëra prej mjeteve të aksidentuara.