Çdo ditë e më shumë në vendin tonë po ndodhin aksidente rrugore.
Në disa raste këto aksidente kanë si shkak sjelljen e këmbësorëve, por në disa raste të tjera edhe sjelljen e vetë drejtuesve të mjeteve.
Shpejtësia tej normave të lejuara, mos respektimi i rregullave të qarkullimit rrugor apo parakalimet e gabuara janë ndër shkaqet kryesore të aksidenteve.
Duke u ndalur te parakalimet, një qytetar ka denoncuar në redaksinë tonë një rast të tillë.
Ai thotë se ditën e djeshme rreth orës 15:00, teksa ishte duke lëvizur me motor, në hyrje të Himarës një automjet ka hyrë në parakalim të gabuar duke i rrezikuar jetën.
Të gjithë këtë moment që mund të ishte fatal për vetë qytetarin por edhe shoferin e automjetit ai e ka filmuar me kamera.
Në pamjet e mëposhtme mund të shihni se si automjeti parakalon dhe i del përballë qytetarit me motor.
Denoncimi i qytetarit:
Pershendetje Joq. Si ja kaluat. Te lutem postoje pak se shume te papergjegjshem. Per Pak na vran. Ne Hyrje te Himares dje rreth ores 15:00
Po ecte me motor në Himarë, shpëton për fije kur makina parakalon dhe i del përballë pic.twitter.com/eG4leRj08b
— JOQ Albania (@JoqAlbania) May 30, 2023
