Policia e Kosovës ka arrestuar tre persona të dyshuar për djegien e flamurit serb në Graçanicë. Në një komunikatë për media, Policia ka thënë se hetimi i saj ka rezultuar me identifikimin e tre personave të dyshuar.
Të arrestuarit janë dy 22-vjeçarë dhe një 31-vjeçar.
Njoftimi i plotë:
Arrestohen tre persona të dyshuar për veprën Asgjësim apo dëmtim i pasurisë.
Pas pranimit të informatës lidhur me dëmtimin e një flamuri në Graqanicë, që dyshohet të ketë ndodhur në orët e hershme të mëngjesit, policia menjëherë ka nisur një hetim i cili ka rezultuar me identifikimin dhe arrestimin e tre personave të dyshuar.
Ndaj personave të dyshuar:
E.B, mashkull, 22 vjeç,
Sh.V. mashkull, 22 vjeç dhe
E.G, mashkull, 31 vjeç,
është hap rast, për veprën penale Asgjësimi apo dëmtimi i pasurisë, ndërkohë që hetuesit po kryejnë procedurat e nevojshme hetimore në koordinim me prokurorinë përkatëse.
