Dikur ishte Leonardo di Caprio, ca muaj më parë ishte Luizi dhe duket se në këto javë të fundit “crush”-i i vajzave është bërë... Edi Rama. Mund t’ju duket e çuditshme dhe jemi të sigurt se nëse jua themi, nuk do të na besoni, por po jua demonstrojmë me videon e mëposhtme.
Rama ishte ditën e djeshme në Korçë për turin e falënderimeve dhe në një moment shihet një vajzë e re rreth të 20-tave, e cila duket se nuk e mban dot përbrenda dashurinë për kryeministrin dhe teksa ulet në vendin e saj dëgjohet të shprehet plot ndjenjë: “Të dashuroj”.
Padyshim, të shprehësh dashuri është gjëja më e bukur në botë, por nuk do të na e merrte mendja se një si kryeministri ynë të ishte “princi i ëndrrave” për një vajzë mesatare shqiptare. Mungesa e telenovelave spanjolle dhe turke në kohët e fundit nëpër televizione duket se ka lënë pasoja të rënda.
