Mali i Zi heq tabelat me gjuhën shqipe

Disa tabela të sinjalistikës rrugore në territorin e Malit të Zi janë hequr nga autoritetet. është shfrytëzuar rasti i asfaltimit të një rruge për të gjetur justifikim për vendosjen e tabelave të reja të cilat janë vetëm në gjuhën malazeze. Sinjalistikat orientonin qytetarët për të shkuar në Vuthaj, një zonë e populluar me shumicë shqiptare.

Heqja e tabelave ka qenë një rast i përsëritur sipas asaj që shkruan “Pava e Gucia Sot”, çka ngre dyshime se heqja është bërë në mënyrë të qëllimtë. Vendosja e tabelave në gjuhën shqipe sipas të njejtit burim, është bërë nëpërmjet financimit nga Bashkimi Europian. Duket se autoritetet malazeze nuk po respektojnë popullësinë shqiptare që jeton në territorin e tyre, dhe po nxit pakënaqësi.

"Javën e kaluar janë vendosur këto shenja orientuese për në Vuthaj, meqë në Guci janë duke u kryer punët në rregullimin e infrastrukturës në qendër. Bie në sy fakti që as në këtë rast nuk është respektur shkrimi në gjuhën shqipe. Thuhet se një herë mund të jete gabim, hera e dytë mund të jetë rastësi por kur përseriten gjërat e njejta në mënyrë të vazhdueshme, nuk mund të jëtë as gabim e as rastësi, por shihet qartë që është fjala për gjëra që bëhën me qëllim. Tabelat orientuese të financuara nga Bashkimi Europian janë të formatit shumë ma të vogël se në gjuhën malazeze. Tabelat që janë të financuara nga komuna e Gucisë në asnjë rast nuk është rrespektuar gjuha shqipe" – shkruhet në reagimin publik.

Diskriminimi etnik mund të shkaktojë edhe një përplasje civile mes qytetarëve. Në Mitrovicën e Veriut, diskriminimi ndaj shqiptarëve ka shkaktuar tensione të larta, e përplasje fizike. Autoritet malazeze padshim që duhet të ruajnë një standard në respektimin e të drejtave të shqiptarëve në territorin e tyre.