Kaosi përfshiu udhëtarët e një avioni, pasi një pasagjer hapi derën në ajër pasi kapi levën e urgjencës.
Momenti i tmerrshëm u regjistrua ku dukeshin pasagjerët të shtrënguar në vendet e tyre ndërsa një erë e madhe kaloi nëpër avion.
Fluturimi i Asiana Airlines ishte vetëm dy ose tre minuta nga ulja në Daegu, Koreja e Jugut, kur një burrë, i cili që atëherë është arrestuar, hapi derën.
Fluturimi OZ8124, një avion Airbus A321-200, u ngrit nga ishulli Jeju të premten (26 maj) rreth orës 11:45 me kohën lokale (03:45 GMT).
Avioni po zbriste drejt qytetit të Koresë së Jugut të Daegu kur dera u hap rreth 200 metra mbi tokë, tha një zëdhënës i linjës ajrore.
Sipas një zyrtari të departamentit të zjarrfikësve në Daegu, askush nuk u lëndua në incident, por nëntë pasagjerë mbetën kaq të tmerruar nga sprova dhe më pas u transferuan në një spital aty pranë, pasi pësuan probleme me frymëmarrjen. Lajmi i mirë është se avioni u ul i sigurt në aeroportin Daego në orën 12:40. koha lokale, me derën ende të hapur.
Ministria e Transportit ka thënë se disa njerëz në bordin e avionit bënë përpjekje për të ndaluar individin të hapte derën, por fatkeqësisht dështuan.
