Ambasadori i SHBA-së në Kosovë, Jeff Hovenier, ka reaguar pas aksionit të Policisë së Kosovës në veri të Mitrovicës, për tu mundësuar marrja e detyrës zyrtare të kryetarëve të rinj shqiptarë në komunat veriore, gjë që nxiti protesta nga qytetarët serbë.
Përmes një postimi në Twitter, Hovenier ka thënë se SHBA dënon veprimet e vazhdueshme të autoriteteve kosovare për të hyrë në ndërtesat komunale në veri të Kosovës.
“Shtetet e Bashkuara të Amerikës dënojnë veprimet e vazhdueshme të autoriteteve kosovare për të hyrë në ndërtesat komunale në veri të Kosovës. Masat e sotme të dhunshme duhet të ndërpriten menjëherë”, ka shkruar Hovenier.
Kujtojmë se nga aksioni i policisë në veri, pesë zyrtarë policorë janë lënduar ndërsa janë dëmtuar edhe disa vetura të policisë si pasojë e sulmeve nga qytetarët.
