Një punonjës ndërtimi i kompleksit UNIVERS CITY është aksidentuar së fundmi në punë. Mësohet se ai është plagosur rëndë dhe në vendngjarje ka mbërritur ambulanca. I plagosuri, 26 vjeç, është dërguar me urgjencë drejt spitalit dhe ende nuk dihet gjendja e tij aktuale.
Së fundmi në Shqipëri janë regjistruar shumë aksidente të punonjësve të ndërtimit. Në shumicën e rasteve ata punojnë pa mjete sigurie dhe pa veshjet e duhura.
Njoftimi i policisë:
Më datë 23.05.2023, në rrugën "Besnik Hidri", në një pallat në ndërtim e sipër, dyshohet se aksidentalisht ka rënë nga lartësia ku ishte duke punuar shtetasi E. H., 26 vjeç. Si pasojë 26-vjeçari është dëmtuar dhe ndodhet në spital, nën kujdesin e mjekëve. Grupi hetimor po punon për sqarimin e rrethanave të ngjarjes.
