Personi në foto është Besmir Ademi. Me origjinë nga Mitrovica, shqiptari akuzohet se vrau ish gruan e tij, Jetmira Bekën.
Ngjarja ndodhi në Ahen të Gjermanisë, në sy të motrës së Jetmirës.
Viktima, 28-vjeçe, kishte 3 fëmijë me ish-burrin që e vrau, Besmirin i cili pas një debati, mori thikën dhe goditi disa herë Jetmirën.
Çifti kishte dy muaj që ishin divorcuar, pasi Besmiri e dhunonte shpesh herë Jetmirë, madje dhe në sy të fëmijëve të vegjël.
Pas ngjarjes tragjike, familjarët e së ndjerës, janë shprehur për mediat se vajza e tyre Jetmira, ka përjetuar momente dhune nga më të ndryshmet.
Ka qenë nëna e viktimës, ajo që ka deklaruar publikisht se Jetmira është rrahur me kabull nga koka te këmba, është plagosur me thikë e çelësa makine.
Nëna e Jetmirës, tregon ndër të tjera se ish-dhëndri, kërcënonte me jetë vajzën e tij 7-vjeçare.