Është dorëzuar në polici, vrasësi i Arjan Gosës, Habib Rexha. Mësohet se pas negociatave me familjarët ai është dorëzuar dhe tashmë ndodhet në komisariatin e Kavajës.
Rexha, vrau me plumb në kokë Arjan Gosën, në sy të babait të tij. Sipas Rexhës, kjo ishte një hakmarrje për vrasjn e vëllait të tij nga vëllai i Arjan Gosës.
“Unë jam Habib Rexha, ky është Fadil Rexha, babai im. Me dëshirën time do vetëdorëzohem në Komisariatin e Kavajës dhe me kërkesën e familjes time”– thotë 31-vjeçari në një video.
Shkak për ngjarjen që tronditi Kavajën, është bërë një përplasje mes fiseve Gosa dhe Rexha për konfliktin e ndodhur në mars të këtij viti, kur Edmond Gosa, vëllai i Arian Gosës dhe Altin Rexha, vëllai i autorit të krimit të ndodhur dy ditë më parë, u konfliktuan me njëri tjetrin për një shkaqe banale dhe të dy ndërruan jetë pas plagëve të marra.
