Gjatë ditës së sotme, në Komisionin e Ekonomisë, opozita dhe mazhoranca, janë bërë bashkë dhe kanë miratuar projektligjin për rritjen e pagave për deputetët, ministrat, kryeministrin dhe presidentin.
Tashmë ministrat, do të marrin një rrogë prej plot 329 mijë lekësh, nga 228 mijë lekë të reja që e kanë aktualisht.
Rroga e një deputeti është 156 770 dhe do të rritet në 310 mijë lekë të reja.
Paga e kryeministrit dhe kryetarit të kuvendit do të shkojë rreth 395 mijë lekë dhe rroga e Presidentit nga 57 mijë lekë do të shkojë në 425 mijë lekë të reja.
Drafti do të kalojë në seancë plenare të enjten së bashku me propozimet e komisionit të ekonomisë.