Në Shqipëri vijon ende dhuna dhe keqtrajtimi ndaj kafshëve. Ndonëse një fenomen shqetësues në vendin tonë, deri tani asgjë nuk ka ndryshuar sa i përket ligjit për dhunuesit e kafshëve. Së fundmi, një qytetar ka dërguar një video që ka parë në Tik Tok, aty ku një person dhunon me sende të forta një kalë.
Kafsha e gjorë qëllohet në kokë dhe më pas ajo dergjet në tokë dhe ngordh, pas dhunës barbare e makabre të personit dhunues.
Pamjet që të prekin në zemër të dhunës së kalit me një çekan nga personi që shihni në foto, i identifikuar si Tan Gjyla, nga Lushnja janë postuar nga vetë ai, në rrjetin e tij social Tik Tok. Pamjet janë vërtetë të rënda dhe dëshmojnë për keqtrajtimin e kafshës së gjorë. Tashmë u mbetet autoriteteve përkatëse të reagojnë për raste të tilla, pasi ky fenomen po kthehet në diçka të zakonshme.
