Habib Hoxha akuzohet se ka vrarë pasditen e së dielës 48-vjeçarin Arian Gosa në Kavajë.
31-vjeçari i cili vijon të jetë i shpallur në kërkim dyshohet se ka patur bashkëpunëtorë në planifikimin dhe kryerjen e vrasjes.
Dyshimet lidhen me faktin se ai ka vetëm një dorë dhe dikush mund ta ketë ndihmuar në mbushjen e krëhërit të pistoletës por edhe largimin nga vendngjarja duke humbur gjurmët.
Duke qenë i gjymtuar, dorën e djathtë ai nuk e kishte funksionale dhe këtu lind dyshimi se dikush e ka ndihmuar në mbushjen e krëhërit ose e ka blerë pistoletën e mbushur.
Ndërkohë që dyshohet se ai mund të jetë larguar drejt vendit të origjinës, Kukësit, por nuk përjashtohet mundësia të kaluar kufirin e gjelbër me Kosovën.
