Një ngjarje e rëndë ka ndodhur në Sarandë, më datën 16 të muajit prill. Një qytetar është kafshuar nga një qen i racës “Pastor Belg”. Në video shihet që qytetari sulmohet nga qeni sapo ai zbret nga makina e tij.
Qeni racës “Pastor Belg” i ka kafshuar dhe shqyer këmbën qytetarit, teksa në një moment një person tjetër ndërhyn për të shpëtuar qytetarin nga sulmi makabër. Personi që ndihmon qytetarin, neutralizon qenin dhe e largon nga vendi ku ndodhi sulmi.
Qytetari, me plagë të shkaktuar nga qeni, ecën me vështirësi dhe i drejtohet automjetit të tij dhe ikën nga vendi i ngjarjes.
