Të shtëna me armë janë regjistruar së fundmi në Peqin. Mësohet se është plagosur Diell Çela,ish-kryetar i PD-së i cili është dërguar me urgjencë në spital. Ndërkohë, autori Sokol Dehima, është shpallur në kërkim.
Bëhet me dije se Çela është ish-kreu i Partisë Demokratike në Peqin. Nuk dihet nëse kjo ngjarje ka ndodhur për shkaqe politike, apo për probleme personale.
Njoftimi i policisë:
Peqin/Informacion paraprak
Rreth orës 11:10, në spitalin e Peqinit, është paraqitur për të marrë ndihmë mjekësore dhe ndodhet jashtë rrezikut për jetën, shtetasi D. Ç. 55 vjeç, banues në Peqin, i cili dyshohet se është dëmtuar me armë zjarri, gjatë një konflikti me shtetasin S. D., rreth 52 vjeç, banues në Peqin.
