Sindi Manushi, një vajzë shqiptare me origjinë nga Elbasani, është zgjedhur kryebashkiake në një qytet të Italisë.
31-vjeçarja ka lindur në Shqipëri por që prej 22 vitesh jeton dhe punon në Pieve di Cadore, në zonën Belluno. Në moshën 9-vjeçare, Sindi dhe familja e saj emigruan drejt Italisë për një jetë dhe të ardhme më të mirë.
Sindi ka përfunduar studimet për drejtësi në universitetin e Trentos dhe shprehet krenare për origjinën shqiptare.
Në zgjedhjet lokale që u mbajtën të dielën në Itali, shqiptarja arriti të zgjidhej kryebashkiake duke i zënë vendin parardhësit të saj Giuseppe Casagrande.
Më poshtë gjeni intervistën e shqiptares Sindi Manushi për "Corriere della Sera"
Sindi Manushi, një fitore historike për ty dhe listën tënde. Si ndihesh?
Ishte një shqetësim të dielën, kur njerëzit nuk shkonin të votonin. Ne nuk flinim dot, por gjërat shkuan më mirë të hënën, veçanërisht falë të moshuarve. Ne arritëm një fitore prej 48.31%”.
Mund të na tregoni historinë tuaj? Ke ardhur në Itali që në moshën 9-vjeçare. Ndihesh italiane?
Jam krenare për origjinën time shqiptare, por kam një kohë të gjatë në Itali dhe ndihem një qytetare italiane. Unë kam jetuar gjithmonë në Pieve di Cadore, përveçse kur isha në universitetin në Trento, për të përfunduar studimet për drejtësi.
Si ishte jeta në Itali?
Fillimisht e vështirë, pati një periudhë hutimi. Vijmë nga një vend shumë i ndryshëm nga Italia dhe mbi të gjitha nga një qytet industrial, Elbasani. Lëvizja nga Elbasani në Pieve ishte një tronditje dhe mund ta imagjinoni pse. E mbaj mend shumë mirë borën e parë, për mua ishte një risi absolute.
Cilat ishin vështirësitë më të mëdha?
Përshtatja me zakonet e Pieve, gjuha italiane. Edhe nese ne Shqiperi merret sinjali Rai dhe jam rritur me Tg1. Që fëmijë kam qenë gjithmonë e apasionuar pas lajmeve dhe politikës, jam rritur edhe me Carrà-n dhe Sanremon.
Si u pritët fillimisht nga komuniteti?
Ne e kemi ulur disi mosbesimin. Banorët e Pieve janë malësorë, të tillë janë, duhet të kuptojnë kush je, çfarë bën, duhet të të kornizojnë dhe të kuptojnë. Ne u studiuam pak. Nuk do të ndalem së falenderuari fqinjët, të cilët më ndihmuan mua dhe vëllain tim në detyrat e shtëpisë.
Marrëdhëniet me prindërit?
Kanë punuar dy-tre punë për të na mbështetur, i falënderoj. Unë dhe vëllai im ndonjëherë duhej të pushonim, por përveshnim mëngët.
E prisnit që një ditë të bëheshit kryetare bashkie?
Nuk ishte në perspektivë. Unë kam qenë gjithmonë e apasionuar pas politikës, si një interes i pastër për çështjet publike. Por jo, nuk ishte në plane. Më pas para disa muajsh lindi kjo ide dhe ne lindi “Pieve futuro”».
A keni qenë ndonjëherë viktimë e racizmit? Në prag të votimit, dikush grisi një nga posteat tuaj elektoral...
Më thanë jam shqiptare, jam grua, jam shumë e re. Ka pasur disa episode të pakëndshme, por në përgjithësi dua të nënvizoj gjithçka që më ka dhënë Pieve di Cadore.
