Dy ditë pas zgjedhjeve të 14 Majit, Komisioni Qendror i Zgjedhjeve ka nxjerrë rezultatin përfundimtar të votuesve.
Sipas KQZ në zgjedhjet e mbajtura në 61 bashkitë e vendit, pjesëmarrja në 5213 qendra votimi ka qenë 38.22% ose e përkthyer në shifra 1,395,360 votues.
Në të gjithë Shqipërinë, numri total i qytetarëve me të drejtë vote për këto zgjedhje ishte 3,650,658. Por pjesëmarrja ka qenë tepër e ulët, as gjysma e totalit të përgjithshëm.
KQZ ka konfirmuar gjithashtu se kandidatët e Partisë Socialiste kanë arritur të fitojnë në 53 bashki të vendit. Koalicioni "Bashkë Fitojmë" ka fituar 7 bashki, ndërsa Partia e Minoritetit Etnik Grek për të Ardhmen e Shqipërisë ka marrë vetëm një bashki.
Votat për partitë, sipas atyre që kanë marrë kandidatët janë: PD 36,852, BF 501,402, PS 786,566.
