Pak më parë u regjistrua një ngjarje e rëndë. Një shtetase austriake humbi kontrollin e biçikletës në aksin rrugor Përmet-Çarshovë, në vendin e quajtur "Kthesa e Zhepes". Turistja me shtetësi austriake rreth 70 vjeçe, ka humbur kontrollin e biçikletës teksa ishte duke udhëtuar me një grup turistësh dhe për pasojë ka humbur jetën.
Njoftimi i policisë:
Rreth orës 13:30, në aksin rrugor Përmet-Çarshovë, në vendin e quajtur "Kthesa e Zhepes", shtetasja austriake H. F., rreth 70 vjeçe, duke udhëtuar me biçikletë, me një grup turistësh, ka humbur kontrollin mbi drejtimin e biçikletës dhe është rrëzuar nga biçikleta.
Si pasojë e dëmtimeve kjo shtetase ka ndërruar jetë. Në vendngjarje kanë shkuar shërbimet e Policisë dhe grupi hetimor dhe vijon punën për sqarimin e plotë të rrethanave të ngjarjes.
