Edhe pse pak minuta na ndajnë nga mbyllja e procesit të votimit, incidentet vazhdojnë në disa qendra votimi.
Në Mallakastër procesi i votimit është pezulluar pasi në disa njësi administrative kanë ikur dritat. Kjo ka sjellë pezullim dhe vonesa në procesin e votimit të qytetarëve të cilët kanë pritur deri sa dritat janë rikthyer.
Ndërkohë në qendrën e votimit nr. 2361 në shkollën profesionale ‘Ali Myftiu’ në Elbasan procesi i votimit është pezulluar pasi sekretarja ka marrë një listë numrash të zgjedhësve. Kjo listë më pas është grisur nga kryetarja e komisionit dhe procesi i votimit është pezulluar.
Në Kamëz, gazetarët nuk janë lejuar të filmojnë në disa qendra votimi. Kanë qenë komisionerët ata që nuk kanë lejuar përfaqësuesit e mediave në ambientet e qendrave për të raportuar.
