Është dënuar me 2 vite burg, pasi u kap në një fermë kanabisi, shqiptari Julian Bushgjokaj, 30 vjeç. Ky i fundit po kujdesej për 144 bimë kanabisi në një shtëpi me disa dhoma në Hull, Britani.
Shqiptari në seancën gjyqësore tha se është kujdesur për kanabisin në fabrikë që më 21 dhjetor të vitit të kaluar, pasi kishte borxhe. Bushgjokaj tha se i detyrohej 20 mijë paund për transportin e tij në këtë vend dhe se kishte rënë dakord të kujdesej për bimët e kanabisit për të shlyer borxhin.
