Sistemet e qeverisjeve në thelb autokratike të fshehura kanë si pjesë të programit të tyre aplikimin e skemave manipuluese për popullin, në mënyrë që të japin tek sovrani përshtypjen e një modeli demokracie liberale për të qëndruar në pushtet sa më gjatë.
Të ndihmuar nga këto “mini parti-vegla” të prodhuara në vetë selitë e tyre partiake, qeveria siguron pushtetin edhe për disa mandate. Kjo realizohet nëpërmjet fuqizimit ekonomik të këtyre “mini-partive vegla” të prodhuara nga partia mëmë, ndërkohë që ata që zgjedhin t’i bëjnë drejtues të këtyre mekanizmave politikë, u veshin vlera morale, nacionale, aktiviste e revolucionare në publik.
Kështu partia socialiste mëmë, 3 mandate në pushtet, i financon këta të ashtuquajtur aktivistë, nisur nga drejtuesi e ndihmësit e tij, me fonde të Fondacionit Soros duke i emëruar specialistë e drejtorë.
Pagat e anëtarëve të “Organizatës Politike” së Arlind Qorrit e financuar fondacioni OLAF PALME (partner i njohur zyrtar i Fondacioniti Soros) me drejtoreshë Plejada Gugashin e MJAFT
E gjithë skema e shpjeguar në këtë artikull është aplikuar tek subjektet e reja politike, për të cilat do e bëni lidhjen nëse rikujtoni disa fakte nga e kaluara.
Pjesëmarrja kompromentuese në protestat kundër bashkisë e qeverisë ndër vite, me sloganin partiak e quhet “Bashkë për Tiranën” me drejtues Arlind Qorrin e “Mjaft”, ka patur vetëm një qëllim: Të vepruarit si vegël e pushtetit për të shuar revoltën qytetare!
Qorri aktivist i “Mjaft”
Sot Qorri synon të kapë bashkinë Tiranë pa një plan konkret, thjesht të “dalë ku të dalë” kandidat kundër ish-vëllait të tij në “Mjaft” Erion Veliajt, duke e pasqyruar veten e tij tek studenti që kërkon arsim cilësor, minatori i shtypur apo punëtori i mbytur nga kapitalizmi i oligarkisë, kur e vërteta e hidhur është se vetë Qorri synon të verbojë popullin me idealizmat e tij të shtirura pasi është i financuar vetë nga këta oligarkë që thotë se denoncon e do të hedhë nga froni.
SKEMAT E QEVERISË ME QORRIN SI VEGËL QË KANË SHUAR PROTESTAT POPULLORE
Qorri dhe partneri i tij Klod Leka në protestën qytetare kundër prishjes së parkut publik tek 21-Dhjetori
Dyshja Q.K dhe të tjerë aktivistë të organizatës politike, përdorën metodën përça e sundo në protestën kundër prishjes së lulishtes publike ku luanin fëmijët nga Erion Veliaj, duke shpërndarë qytetarët, e zbehur frymën e revoltës protestuese. Pak ditë më pas protesta u shua për t’i dhënë jetë ndërtimit të kompleksit SQUARE 21 të kunatit të Fatmir Xhafajt dhe Erion Veliajt.
View this post on Instagram
“Qorri ti nuk na përfaqëson, largohu nga protesta jonë”, pankartat e studentëve
Arlind Qori me megafon në protestën e studentëve e cila u shua nga “veglat” e qeverisë
Qorri njihet si një nga uzurpatorët që tentuan të shuanin protestën e studentëve. Kokës së “OP” iu hoq mikrofoni nga studentët të cilët në dijeni të skemave të tij të mëparshme në protestat qëndrimtare të popullit, nuk e lanë të merrte fjalën në protestë.
Është lehtësisht e kuptueshme se kush qeveritar e financon Qorrin në këto zgjedhje gjykuar nga televizionet që i bëjnë promo fushatës së tij, televizione këto ku vetë oligarkët me lidhje familjare me liderin suprem derdhin paratë e vjedhura nga populli.
Tentativat për manipulim të revoltës së frymës qytetare, asaj pjese të papolitizuar, do të jenë të vazhdueshme ndërsa synimi i JOQ për t’ju iluminuar në vorbullën e pafundme të zallamahisë së politikës shqiptare do të jetë i pandalshëm.
