Autobusët e Tiranës duket se e kanë bërë të udhës që të ecin me dyer hapur pasi raste të tilla sa vijnë e shtohen.
Pas autobusit të Vorës që ecte dje me derë, një tjetër autobus i Tiranës ka bërë sot të njëjtën gjë.
Në redaksinë tonë ka mbërritur një video që tregon se si autobusi i linjës Sanatorium-Qendër ecën me derë të hapur. Qytetari që ka denoncuar këtë rast thotë se autobusi ka ecur me derë hapur nga Sanatoriumi e deri në Qendër duke iu rrezikuar jetën të gjithë pasagjerëve që po udhëtonin me të.
Edhe në pamjet e mëposhtme mund të shihet qartë se si autobusi ecën, në dukje me shpejtësi, në rrethrrotullimin e Saukut.
Ai thotë se autobusët i trajtojnë pasagjerët si kafshë e jo si njerëz, ndërsa nuk lë pa përmendur të ardhmen përpara që premton Lali Leku.
Denoncimi i qytetarit:
Shif cfare ndodh me urbanat e Tirones po udhetojm me dere hapur qe nga sanatariumi e deri ne qender sikur te jemi kafsh e jo njerez. Kjo eshte e ardhmja e Shqiperise sidomos e lali erit ju lutem postojeni
